Information · Travel

免費Upgrade坐頭等?!

之前睇蘋果日報翻譯英國每日郵報報導
教人15招免費Upgrade升艙
等我用做過地勤既經驗話你知究竟work唔work啦

首先講下點解會Upgrade先
當飛機座位大賣 譬如明明得250個經濟艙座位
但賣左260個經濟位出去
咁10個多左出黎既位就有可能會安排乘客升艙坐商務/頭等座位

第1招:經常乘搭同一間航空公司
大賣左之後 航空公司都會搵有身份既乘客
有身份意指係會員 身份愈尊貴
揀中你upgrade機會愈大 所以經常搭同一航空公司係真既

第2招:檢查座位有無破損
呢個唔輪到你檢查
係你登機前航空公司已經檢查過無問題先安排乘客坐
所以用呢個方法升艙機會唔大

第3招:選擇非公幹熱門時間
我唔明咩野叫做非公幹熱門時間
但upgrade高峰期係視乎唔同航空公司而論
例如歐洲機聖誕前會係高峰期
大陸機係農曆新年前
就算高峰期都要配合好多因素先有機會升艙

第4招:坐近嬰孩,若嬰孩哭鬧,可要求換位,雖然可能會被安排坐在廁所旁,但也有機會獲升級到頭等
只能說一句你唔好彩
如果機滿既時候BB附近既位點都要有人坐
我試過坐長途機個BB一直係度喊
佢呀媽俾左個公仔佢玩 最恐怖係我望清楚個公仔既時候
發現個公仔同個BB著個件衫係一樣 再望真D個樣仲要差唔多
原來而家D小朋友興自己玩自己 唔怪得佢猛咁喊
但如果想避開D BB係有辦法既
就係唔好坐係每個機艙既頭幾行
因為通常BB籃位(Bassinet seat)都係第一行有牆係前面果行
但因坐係BB附近而升艙既機會渺茫

第5招:早到或遲到
早到既機會係大過遲到
遲到升艙既機會幾乎係零
除非你係特級尊貴客戶
如果唔係除左無機會升艙之外 仲有可能俾地勤人員好好"教育"一下
正所謂阻人收工猶如殺人父母

第6招:單獨飛行
有時揀左有身份既乘客升艙
但佢地可能一家4口去旅行 但升艙機會只有一個
佢地為左唔同至愛既親人分開坐 會放棄升艙機會
呢個時候航空公司會搵單頭既乘客
所以當航空公司需要免費upgrade乘客既時候
單獨飛行既機會好大

第7招:著靚啲,航空公司為了保持頭等機艙尊貴的形象,會傾向選穿得比較光鮮的乘客升級
一定係!!!
就算你預先俾航空公司揀中升艙 (例如訂票記錄係單獨飛行/ 金卡會員等等)
但如果你到櫃檯Check in 著拖鞋牛仔褲既話
都會馬上失去upgrade既資格
所以單人飛行既business man upgrade機會比較大
因為通常佢地都著suit搭飛機
同埋我發現通常都係揀男人upgrade多
一來對女士既衣著要求比較高 因為真係好少人搭飛機會著高跟鞋
再加上地勤人員以少女為多
我見到有靚仔緊係想upgrade佢先啦 🙂

第8招:禮貌地問地勤人員
地勤人員只係負責Check in 而唔係開航空公司
你禮貌地問只會禮貌地答你無
但係我試過check in 一位金卡會員既乘客佢
果次飛機大賣免費指定upgrade佢上商務艙
第二次佢又咁岩黎到我櫃位Check in
今次飛機又大賣  但無指定upgrade而係upgrade早黎既金卡會員
唔知係咪上次呢位乘客免費upgrade既經驗太好
佢一黎到俾完本passport我就好有禮貌問有無得upgrade
因為佢早到所以佢又有得免費upgrade
佢可能都會以為自己有禮貌地問就有得upgrade

第9招:使用飛行哩數
呢個都唔係免費既方法
你都係透過消費先會有飛行哩數

第10招:斷手斷腳,機艙服務員會較同情手腳受傷的乘客
我未聽過因為斷手斷腳而upgrade
只會安排好少少既位置俾你等你唔好阻到其他乘客
同埋如果呢個方法work 你都唔會打斷自己手腳嘛
為左upgrade你可以去到幾盡:0)

第11招:留意電郵有關航空公司的優惠
講得優惠都唔會係免費

第12招:選擇生日時坐飛機
日日都有咁多人搭飛機
你有無諗過其實有幾多人生日搭飛機呢
生日就要upgrade你咁航空公司咪好忙
試過有個生日既乘客去到我同事個櫃位Check in
同同事講今日係我生日 你有無special offer 俾我
我同事就同佢講左句happy birthday
佢仲要面皮好厚咁問仲有問其他offer呢
咁我同事就唱左首生日歌送俾佢
附近check in 緊既乘客+地勤人員聽到都忍唔住大/恥笑
搞到生日果位乘客都有點兒尷尬
真係面係人地俾 假係自己丟

第13招:與機艙服務員或地勤分享喜悅事情或恐怖經歷
我唔知點解恐怖經歷會upgrade你啦
但喜悅事情就有好多乘客同我分享
分享得最多就係佢地岩岩結左婚而家去洞蜜月
希望我可以upgrade佢地令佢地有個難忘既回憶
第一 我只係見左你幾分鐘之後未必有機會再見到你
你有無難忘回憶坦白講I don’t care
第二 你想要難忘回憶好心你自己俾錢買飛
你係度咁R著數好肉酸
航空公司唔會因為你洞蜜月upgrade你反而會力sell你自己俾錢upgrade 何必呢

第14招:若航班超賣,主動提出改乘下班機,令地勤對你留下好印象
通常只會俾Voucher請你係機場飲杯野
Upgrade你就未必會嚕

第15招:讓地勤知道你是善心的人
你有善唔一定Upgrade你
你唔有善就一定無你份
所以請禮貌對待任何一位地勤人員

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s