Europe · Information

逃票 (下)

一直都相安無事
霸氣地係歐洲搭霸王車
直到去到布拉格
我照舊買張車票傍身
到時有人查票都話我買左票架
唔知要打印之嘛

果日我去完一個市集食完買完之後
諗住返Hostel之前去行下條Charles Bridge
咁我就搭鐵路去
落車果陣見到扶手電梯企左幾個著住西裝/制服既魁梧男子
我有d預感係查票既人
係個心度盤算去對面月台搭倒頭車好
定博一鋪好呢
我竟然決定去博一鋪既

我見好多人湧過去條扶手電梯度
就諗住混入人海之中
當我未混到入個人海已經俾魁梧漢叫住
我聽緊歌諗住扮聽唔到佢講乜"What"左佢一聲諗住走
點知佢堅持要拍停我
一開始佢問我拎車票
咁我點都要交下戲扮唔識聽英文依樣果樣咁
講左兩句咁我就拎左我張傍身車票出黎
我感覺到個魁梧漢有一絲失望見到我有票
當佢見到我張票好乾淨既時間
佢就即刻叫我俾錢
我有一刻懷疑佢既身份
堅持唔俾錢又問佢有票點解要罰錢
佢話因為無印 我話我唔知咩野印
佢就開始解釋入閘流程我知
我話買飛無人同我講
咁佢拎左本類似使用手冊俾我睇
我話我唔識睇英文 (一直用英文同魁漢對話)
跟住佢揭去殘體字果版
我就話無見過呢本野咼
跟住佢出殺手鍊 話一係拎本passport出黎佢報警
一係就俾錢
(註:因為佢太高既關係 佢全程無望過我一眼
淨係望住佢水平線 好似望住我後面講野咁 個感覺好詭異)
假已丟夠 再拎埋passport出黎就丟埋香港人既臉
咁我就奉上左大概hkd500既罰金再繼續上路

罰完之後我都繼續無買票搭車
因為要搭多幾次霸王車去溝淡個罰款
後來去到巴黎巴塞隆納呢d地方有返閘門
我就金盆洗手無再逃票嚕
但我聽講巴黎好多本土人都會衝閘
佢地會襯前面果人入閘既時候緊貼人一齊過
又或者擋住個閘門慢慢過
但我覺得呢d方法都太樣衰
姐是有形象的

 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s