Information · Travel

申唔申請BNO?

上兩個月收到我本新既BNO
其實申唔申請返本BNO我都爭扎左兩年
雖然$1XXX申請本BNO用10年
話貴唔貴 話平唔平
同埋本身有本特區護照
講真句特區護照真係幾好用
其實同BNO免簽都係差三十幾個
所以一般大路旅行都唔會有太大既分別

我相信大多數香港人都好少會叫自己係中國人
去旅行遇到新相識既人問你"Where are you from?"
通常都好似反射動作咁答"Hong Kong"
雖然 好多時得到既回應都好唔理想
例如"Oh…China"
(呢個時候係個心入面都會諗 以為自己好L醒呀中國同香港都唔識分 識少少扮代表)
有時甚至會問"Oh..Where is it? Is it Japan"
真係遇過好少數既人係確確實實了解香港係咩回事
但無論點都好 我從來都未試過答"China"

但最令我失望既係有一次
我係倫敦搭內陸機去聖托里尼 (Santorini)
Check in 果陣個地勤話我無Visa唔可以出boarding pass俾我
跟住我同佢講香港護照去希臘3個個月免簽
佢話中國護照係需要Visa
之後佢指住我本passport大聲讀出republic of China
真係1999 叫佢問下佢個supervisor
之後佢就打電話
淨係聽到佢話"YES,but there is “China" on the passport"
之後收左線佢扮無野繼續check in
我即刻問佢要唔要Visa呀
佢話唔需要
我話又要又唔要搞到我好困擾
最後佢係有道歉
但呢次經驗之後 我有申請返BNO既念頭
因為連英國國民對佢地曾經既殖民地香港都唔清楚
你仲點奢求其他國家既人會有深入認識

從前以為50年不變是真的
到後來佔中 看著香港慢慢腐爛
最可怕既係好多人仲認為香港歌舞昇平
咒罵那班看透世事而敢於爭取既人搗亂
廿三條立法蠢蠢欲動
書店老闆被失蹤被平安被那星誣衊
某大書局將所謂禁書全面下架
禁書禁書何謂禁書
所有書藉都有佢既價值都有作者既見解
無論好與壞都有發表既自由
而家連賣咩種類書既自由都失去
唔好話32年後既香港會變成點
連聽日香港會變成點都唔知

雖然有左BNO唔會令你即刻變左英國人
日常生活都唔會有任何改變
但若果他朝一日特區護照變成廢紙
都仲有離開既自由
奉勸各位有資格申請都好好考慮一下
自求多福

 

 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s