Europe

旅途上的過客

去旅行有好多機會接觸到世界各地唔同既人
但溝唔溝通得到就另一回事
試過遇到因為語言障礙溝通唔到既韓國人
表明左自己唔係日本人二十次但堅持同你講日文既日本人
雖然講同一種語言但我理解唔到佢諗咩既香港人

但其實遇到有趣既人同美好回憶既人佔既比數多好多
其中一個印象好深刻既人係來自巴西的女孩Amanda
我同Amanda係巴黎一間由韓國人經營既Hostel相遇

因為Hostel包早餐同晚餐而且間Hostel可以住既人數唔多
個感覺好家庭式 來自五湖四海既兄弟姊妹
每朝食早餐既時候都會好愉快地交談
我係巴黎旅程到左最後一日
食完早餐諗住去行下Sharespeare and Company
輕輕鬆鬆咁幫巴黎之旅埋尾
準備出門果陣咁岩見到Amanda
佢問我去邊因為佢仲未諗到自己去邊好
我就話我諗住行下書局 跟住佢就Join埋一齊去喇

路上大家都一直天南地北
由大家講既語言
例如佢好奇點解我識講英文
咁我同佢講解香港殖民地歷史香港人三歲開始學英文
我又問返佢點解英文咁好
因為我之前遇到另一個巴西女孩英文差到傾唔到偈
Amanda話佢搬左去愛爾蘭一年學英文
到日常生活自己幫自己抆眉時大家都想打乞嚏既開心大發現
一直無間斷咁傾好似識左好耐咁但其實果朝早食早餐時先識

之後再講下大家既文化
我同佢解釋香港人對「中女」既定義
凡指三十歲又嫁唔出或者單身既女子就係「中女」
Amanda話三十歲嫁唔出有咩問題
我話三十歲好老喇
佢好震驚咁望住我話三十歲好年輕
尤其你地亞洲人三十歲都仲好似十六歲咁樣
跟住佢就同我分享左個故事

Amanda父母係對方既初戀
由中學認識 爸爸比媽媽大幾年
所有野都好完美
然後拍左幾年拖
面對好多情侣會遇到既問題─感情變淡
佢爸爸對佢媽咪已經無左愛既感覺
不過為左責任既關係娶左佢媽
但兩個人一齊已經唔開心
無幾耐就有左佢跟住佢細妹然後佢細佬
再一次因為責任佢父母都無離婚
到最後佢三姐弟都長大成人佢父母終於離婚

Amanda形容佢父母離婚係令到大家重生
因為兩個唔相愛既人為左責任係一齊
每日都鬧交互相想逼死大家
離婚之後
佢媽咪同另一個男人結婚生左個仔組織左另一個家庭
佢爸爸搵到一個大佢十年既女人結婚
Amanda話從未見過佢爸咁開心
佢覺得佢Step mum係佢爸既真愛
所以佢爸而家每一日都好開心
Amanda同我分享呢個故事
係想我知真愛係無年齡限制
佢爸到左四十幾歲先搵到

係度祝各位係情海路上尋覓緊真愛既女子早日得米
暫時未搵岩既都唔好心急
自己一個人好好過活
總好過對住一個錯既人互相折磨

 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s