USA

[Guam] 關島之旅Day 1

第一日係關島個人係燥底既
一切都由唔夠訓講起

買到聯合航空(UA)平機票
直航仲平過轉機  心情好愉快
晚機出發凌晨到
諗住食埋個飛機餐就訓一訓落機玩
但坐係我後面有一個操普通話既女子不斷騷擾我
一開始我差唔多訓得著既時間
突然有人扯我D頭髮
原來呀姐佢想去廁所要起身果陣用我個椅背借力
所以扯到我
咁跟住我再試下訓啦
但成程機我都以為自己坐緊4D影院入面既座位
不斷震不斷俾人踢
我心諗係咪岩岩佢扯我頭髮我啤左佢一下
佢而家報仇踢返我
咁我就向後望下咩野事
只係見到個呀姐訓到死豬咁
唯一唔明既係佢腳咁短點解可以密集式踢到前面個位
諗唔明真係諗唔明
訓唔到咁唯有等Landing
開始降落既時候
下降得好穩定
心諗UA既機師揸開戰機真係唔同D
之後放個鏕出黎果陣超!恐!怖!
全架機既乘客都向前衝
要靠條安全帶頂住
我不禁幽幽地問朋友一句:係咪空難
朋友都幽幽地筒我一句:睬
(回程降落果陣都恐怖 但我唔敢再亂講野)

落機果陣去過關
個關員問我有無填form或上網整visa
我show左係飛機上面空姐派果張form俾佢睇
佢話唔係呢張  心諗係咪刁難我
原來空姐派果張申報無帶違禁品
係過完關入境果陣先有人收
係排隊過關前不遠處有幾張枱
記得填左一長一短既form先去排隊過關
d form有中文版但數量比較少
填填下果陣有個關島胡慧沖走左過黎問我地識唔識填
佢著住夏威夷恤衫操流利廣東話
大家有咩問題試下搵佢幫幫手
之後佢搵左個無人排隊既counter叫我過去

一切都好順利 個關員又好友善
簡單問左我黎關島做咩同邊個黎
差唔多俾返本passport我果陣
佢再問多我一個問題"Can you speak English well or just OK?"
個問題就好似人地問你:IQ題1+1等於幾
點答個感覺都係錯咁
好難係個外國人面前話自己英文well
但話just ok佢會唔會覺得我係黎做不法勾當
所以我弱弱地講左句"Well~~"
跟住個關員話"I have a question"
心諗唔係考我grammar嘛
原來佢係想問我點解香港人會有BNO
佢話搵左好多資料都搵唔到
喂 嚇死人咩
我答完佢之後佢好開心我解答到佢既問題
我又開心我入到境嚕
Yeah~

(未完待續)

 

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s